TOBA YA MUNGU  ALIYEMTUMA; MUSA; ELIYA MTISHIBI; YESU NA  ELIYA AD2

MIAKA1000  

WAKILI WA MUNGU KIZAZI CHA MUNGU

 Lango 19 Thebeti 5 (31 July 2016)

Ushuhuda

Siku ya sita iliyopita, MUNGU aliniagiza nikae mbele zake kwa siku sita mfululizo nikiwa na utulivu wa toba. Kwa sababu kizazi hiki ni cha utii, nilitii. Nilimwandikia Katibu wa huduma hii kwamba MUNGU ameniagiza nikae mahali nilipo bila kutoka kwa siku sita, hivyo yeye na viongozi wengine waendelee; kwamba mimi nitafika Kanisani leo (19 Thebeti 5) nikileta kile ambacho MUNGU ameniambia. Wote waliokuja hapa baada ya siku ya sita ni mashahidi, hawajanikuta isipokuwa leo.

Nikiwa kwenye utulivu wa toba, MUNGU alinifungua macho nikaona kitu cha

Miaka 1000.
Wakili wa Mungu Kizazi cha Mungu.

 ajabu, sijawahi kukiona, akaniambia kitu ambacho pia sijawahi kukiona wala kufundishwa ndiyo nawaletea leo. Ndiyo maana nikakuambia ibada ya leo haijawahi kufanyika popote. 

MUNGU alinifungua macho nikaona mkutano wa uumbaji wote uliofanyika, jua lilikuwepo, mwezi alikuwepo, nyota zilikuwepo, bahari , mito na maziwa walikuwepo, walio hai na waliokufa wote walikuwepo, sayari zote zilikuwepo. Ikweta alikuwepo, Capricon, kansa, latitudo na longitudo, yaani Uumbaji wote tunaoujua na tusiooujua ulikuwepo. Wale wasioamini waende wakamuulize Mungu atawathibitishia.

Mwenyekiti akawaambia kwamba, kuna jamaa mmoja ambaye yuko kwenye taifa moja ambalo linajiita “urithi wa MUNGU” anatusumbua. Nimewaita hapa ili tukubaliane kwa kila mmoja kuweka saini yake ili aondolewe katika taifa hilo, maana hiyo ndiyo kupona kwetu.

Kumbuka lango la 5 Ethanimu, 5 nilimkabidhi MUNGU aliyetuma wote kila kitu. Uumbaji ulianza kusita kusaini, sijajua ni kitu gani kilifanyika hata ilipofika siku ya pili Uumbaji ulikubali kusaini kwamba nikishaondolewa mimi kwenye taifa ambalo ni urithi wa MUNGU basi dunia imepona. MUNGU akaniondoa kwenye yale maono. Kweli sijawahi kuona maono ya namna hiyo, hadi yalitaka kunisumbua kwa maana hapo hakuna toba tena. Roho wa MUNGU akaniogoza kufanya dua; dua maana yake ni kumsihi MUNGU, ambayo kwa nafasi yangu ninaruhusiwa kufanya hivyo. Nilipofanya dua kwa saa moja, MUNGU akanifungua macho akanirudisha tena kwenye ule mkutano. Nikaona barabara ya mimi kuondolewa mahali pangu imekamilika, imebaki nusu tu. MUNGU alinitia nguvu Nikarudi tena kwenye dua.

Baadaye MUNGU alinirudisha tena kwenye maono yale, nikakuta sasa mkutano umekwisha. Ila kuna mmoja mwenye mamlaka amekabidhiwa zile sahihi na cheti changu cha ushindi. Alikuwa na karatasi iliyobeba sahihi za uumbaji wote. Huyo jamaa akawa anasema “sikupi, sikupi, si unaona Uumbaji wote unasema nikufukuze?” Nikasikia nikimuuliza, kwani nimekukosea nini? MUNGU alipoona kama nataka kukosea, MUNGU akanitoa kwenye hayo maono. 

Hayo niliyoyaona, yalionekana mara tatu ndani ya masaa mawili. Baada ya kuona hivyo, nilitoka nje mahali pa kuegesha farasi wa moto. Pale nje nikaanza kuongea na Uumbaji, nikaangalia nyota, nikasema nyota inakuwaje mumenisaliti? Jua imekuwaje umenisaliti? Mwezi imekuwaje umenisaliti? Ndipo toba ikarejea, nikaanza kutubu sasa kwa ajili ya Uumbaji wote kwa kadri roho alivyoniwezesha. Nilipotubu kwa nusu saa, ndipo nikasikia sauti kubwa ikisema, “toba ya MUNGU mwenyewe!”

MUNGU akitamka jambo kama hilo, hasa ukizingatia kuwa ni mara ya kwanza, kuna mshituko unatokea kwa sababu unakuwa hujui ufanyeje. Nikarudi ndani nikakaa kitandani ili MUNGU anielekeze ni kitu gani nimesikia. Toba ya Mungu mwenyewe maana yake nini? Sijawahi kusikia wala sikujua nianzie wapi.

Mungu aliniambia mambo mawili ambayo tumemshukuru MUNGU kwayo asubuhi hii kwa habari ya ufahamu wake ndani ya yule anayeongoza wengine na ufahamu wake kwenye Mlima wake.

Ndipo  akanifunulia kwamba kuanzia Kizazi cha Kwanza, cha Pili na cha Tatu, kilichokuwa kinaleta shida, ni kwamba ufahamu wake yeye ndani ya yule anayewaogoza wengine ukisongwa, akachanganyikiwa, ndipo yeye mwenyewe na wote anaowaongoza walikuwa wanaishia njiani. Kwa hiyo akasema ikifika hapo alikuwa anafanya toba yeye mwenyewe ingawaje hajawahi kulifunua hilo. Nikamwambia kwamba MUNGU naomba unifundishe kwa sababu siwezi kwenda kusimama mbele ya Kanisa bila hata mstari mmoja wa kusimamia. Nikamsihi nikisema, nisaidie unioneshe kwenye kitabu chako jambo hilo liko wapi. Ili nikienda kuzungumza, na kwa kuwa sijaonekana kwa siku sita, niwe na neno la kusimamia.

Neno la kwanza nililooneshwa liko Eze.36:26-32(a). ²⁶“Nami nitawapa ninyi moyo mpya, nami nitatia roho mpya ndani yenu, nami nitatoa moyo wa jiwe uliomo ndani ya mwili wenu, nami nitawapa moyo wa nyama. ²⁷Nami nitatia roho yangu ndani yenu, na kuwaendesha katika sheria zangu, nanyi mtazishika hukumu zangu, na kuzitenda. ²⁸Nanyi mtakaa katika nchi ile niliyowapa baba zenu, nanyi mtakuwa watu wangu, nami nitakuwa MUNGU wenu. ²⁹Nami nitawaokoeni na uchafu wenu wote; nitaiita ngano, na kuiongeza, wala sitaweka njaa juu yenu tena. ³⁰Nami nitazidisha matunda ya miti, na mazao ya mashamba, msipate tena kutukanwa na       mataifa       kwa        sababu ya   njaa. ³¹Ndipo mtazikumbuka njia zenu mbaya, na matendo yenu yasiyo mema, nanyi mtajichukia nafsi zenu kwa macho yenu, kwa sababu ya maovu yenu na machukizo yenu. ³²Ijulikane kwenu ya kuwa silitendi hili kwa ajili yenu, asema Bwana MUNGU;

...”!

Kwa hiyo kumbe toba ya MUNGU anaifanya kwa ajili yake yeye mwenyewe ili kizazi kisiangamie, hasa anapoona kama     kizazi kinataka       kuteketea.    Nikamuomba anifundishe mahali alipowahi kufanya kitu kama hicho ili ninapozungumza niweze kueleweka, maana nafahamu Siloam msitari mmoja huwa hauwatoshi.

Haya ndiyo ambayo MUNGU alinifundisha akinionesha mahali ambapo alifanya toba bila sisi kujua kuwa ni yeye:

1.  Toba ya Musa (Kizazi cha Kwanza) katika Kut.32 ilikuwa ni ya MUNGU,

Miaka 1000.
Wakili wa Mungu Kizazi cha Mungu.

 maana katika Kut.7:1 Musa aliitwa MUNGU tena ‘M’ kubwa. Ukisoma

 hapo Neno linasema “BWANA akamwambia Musa, angalia, nimekufanya wewe kuwa kuwa kama Mungu kwa Farao; …”.

Katika kizazi cha kwanza Musa alikuwa MUNGU juu ya matatizo yote. Kwa hiyo katika Kut.32 anapofanya toba, kumbe siyo Musa, bali ni MUNGU mwenyewe.

Katika Kut.32:11-12;14 neno linasema, ¹¹“Musa akamsihi sana BWANA, Mungu wake, na kusema, BWANA kwa nini hasira zako kuwaka juu ya watu wako uliowaleta toka nchi ya Misri kwa uweza mkuu, na kwa mikono yenye nguvu? ¹²Kwa nini Wamisri kunena, wakisema, amewatoa kwa kuwatenda uovu, ili apate kuwaua milimani, na kuwaondoa watoke juu ya uso wa nchi? Geuka katika hasira yako kali, ughairi uovu huu ulionao juu ya watu wako. Bwana akaghairi ule uovu aliosema kwamba atawatenda watu wake. Kwa sababu alikuwa ameshasema kwamba Kizazi cha Kwanza kingeishia hapo kwa kosa la kusema kwamba ndama ndiye mungu aliyewatoa Misri. Kumbe toba ndani ya Musa ilikuwa ni ya MUNGU mwenyewe. Uthibitisho alionipa ni wa Yud.1:9 Neno linasema, “Lakini mikaeli malaika mkuu aliposhindana na ibilisi, na kuhojiana naye kwa ajili ya mwili wa Musa, hakuthubutu kumshitaki kwa kumlaumu, bali alisema, Bwana na akukemee.” Mikaeli ndiye aliyemdondosha kerubi mara ya kwanza (Ufu.12:7-8). Hivyo ni wazi kwamba Mikaeli siyo wa kushindwa na ibilisi, lakini wakati huu Mikaeli inaonekana aliishiwa nguvu. Kwa nini Mikaeli aliishiwa nguvu hapa? Hapa MUNGU mwenyewe aliamua kuja kupigana na kerubi kwa sababu alishamfanya Musa kuwa MUNGU.

2. Katika Kizazi cha Pili

1Fal.18:30- “Kisha Eliya akasema nikaribieni mimi, watu wote wakamkaribia, akaitengeneza madhabahu ya BWANA iliyovunjika”. Ukiendelea utaona kuwa Eliya Mtishbi alijenga madhabahu ya BWANA iliyovunjika kule Adeni na Edeni. Swali, je, unaweza ukajenga madhabahu bila Toba? Pamoja na kwamba hapa kwenye maandiko hatuoni mahali Eliya akisema MUNGU naomba unisamehe, lakini kwa lugha ya ufunuo huwezi ukajenga madhabahu bila toba. Uthibitisho ni katika 1Fal.17:1 ambapo tunaona Eliya ana Neno la MUNGU na la kwake yeye mwenyewe. Hivyo hapa tunaona kuwa Eliya anaongea kama MUNGU. Katika 2Fal.2:9, tunaona kuwa ni lugha ya MUNGU mwenyewe. Hapa Neno linasema, “Hata walipokuwa wamekwisha kuvuka Eliya akamwambia Elisha, omba kwangu lolote utakalo”. Anayeruhusiwa kuongea hivi ni Mungu peke yake. Hivyo toba ya Eliya Mtishbi ilikuwa toba ya MUNGU. Hapo nilianza kufunguka na kuelewa vile ambavyo Mungu alikuwa ameniambia.

3.Kizazi cha Tatu 

Nilifunguliwa katika Lk.23:34, hapa Neno linasema “Yesu akasema, Baba, uwasamehe kwa kuwa hawajui walitendalo”. Hii ni toba. Lakini Yesu tunaona kuwa katika Yn.1:1-5 ni MUNGU; hivyo toba ya Yesu pale msalabani ilikuwa ni ya MUNGU. Uthibitisho zaidi upo katika 2Kor.5:19, hapa Neno linasema “Yaani MUNGU alikuwa ndani ya Kristo akiupatanisha ulimwengu na nafsi yake asiwahesabia makosa yao pale msalabani.” Hapa tunaona kuwa MUNGU alikuwa ndani ya Kristo. Kumbe wakati YESU anasema “Baba wasamehe …” ni toba ya MUNGU mwenyewe. 

Uthibitisho zaidi tunapata katika Isa.45:15, Neno linasema “Hakika wewe u MUNGU ujifichaye nafsi yako, …”. MUNGU ni MUNGU afichaye nafsi yake. Maana ninyi kila siku mnaponiona hapa mnaona ni Miaka1000 aliyekuja na ndevu kama Vasco da Gama! Hata siku moja huiwezi kuiona nafsi ya MUNGU kwa macho, maana ni MUNGU ajuaye kuficha nafsi yake. 

4.Kizazi cha Nne

Toba ya Eliya AD2 ni ya MUNGU mwenyewe. Uthibitisho tunaupata katika

ELIYA ADAMU WA 2 MUNGU WA MAJESHI.
Kristo Kizazi cha Mungu.

 Isa.41:2 & 4 msit.2. Ni nani aliyemuinua mmoja atokaye mashariki, ambaye katika haki amemwita miguuni pake? Msit4. Ni nani aliyelitenda na kulifanya jambo hilo, aviitaye vizazi tangu mwanzo? Mimi, BWANA, wa kwanza na wa mwisho, mimi ndiye. Kijiografia tuna mashariki ya kati na mashariki ya mbali (China, Japan, Singapore n.k). Lakini ‘proper’ (halisi) mashariki ni hapa. Wote tukubaliane, wanafalsafa, wanasaikolojia, na wanatheologia, kwamba hakuna yeyote aliyewahi kufundishwa chuoni au popote, kwamba lile neno la Ufu.20:6 ikifika, tutakuwa na miaka1000 ya kutawala na Kristo. Hakuna hata mmoja aliyekuwa anajua itaanza lini! Kama yuko aliyeambiwa na mwalimu wake au Profesa wake tarehe hiyo aje hapa mimi nitampa zawadi. Kwa sababu, walikuwa wanajitahidi kujua Kizazi cha Kwanza, na cha Pili kiliishia wapi. Hata Kizazi cha tatu, hapa kila mmoja anajua Y2K, walikuwa wanabahatisha kujua kitaishia wapi, lakini hawakufaulu. Lakini kwa habari ya ile miaka 1000 ya kutawala na Kristo, kwamba itaanza lini, aliyeitamka ni Eliya Ad2 lakini ndani yake alikuwepo MUNGU. 

Aliyesema kwamba leo lango la 28 Adari 2011 au 28 February 2012, kuanzia kesho tunaaanza mwaka wa kwanza wa Kanisa, yule aliyetamka ndani yake ni Mungu mwenyewe. Hakuna mwingine aliyewahi kutamka hivyo isipokuwa Eliya AD2, aliyetamka mbele yetu sote tuliokuwepo. Ina maana basi toba ya Eliya AD2 MUNGU wa Majeshi, kuhusu shetani, na Adamu 1, ni toba ya MUNGU. 

Angalia Ufu.22:18, Neno linasema, “¹⁸Namshuhudia kila mtu asikiaye maneno ya unabii wa kitabu hiki, mtu yeyote akiyaongeza MUNGU atamuongezea hayo mapigo yaliyoandikwa katika kitabu hiki. ¹⁹Na mtu yeyote akiondoa lolote katika maneno ya unabii wa kitabu hiki, MUNGU atamuondolea sehemu yake mti wa uzima, na katika ule mji mtakatifu, ambao habari zake zimeandikwa katika kitabu hiki.” Eliya AD2 

ELIYA ADAMU WA 2 MUNGU WA MAJESHI.
Kristo Kizazi cha Mungu.

alinyakuliwa tukiwa tunaona. Hii ina maana kwamba angekuwa mtu asingeweza kufanya yale ambayo anayafanya. Kwa vile hatujawahi kusema kwa habari ya majira kama siyo Mungu mwenyewe wa kwanza na wa mwisho. Je, uliwahi kusikia yeyote akikivua kitabu cha neno lile ganda lake jeusi la juu? Kwa hiyo aliyefanya hivyo ni MUNGU mwenyewe. Uliwahi kusikia yeyote aliyewavika waumini wake mavazi meupe wote wakavaa? Kwa hiyo aliyefanya hivyo ni MUNGU mwenyewe ndani yake. Kwa hiyo kila ulipoona kwamba anatubu kwa ajili ya mambo magumu magumu, ujue aliyekuwa anatubu ni MUNGU mwenyewe.

Hilo lilianza kunipa amani kwa ile sauti niliyoisikia iliyosema “Toba ya MUNGU mwenyewe”. Mahali ambapo Kanisa hili lilikuwa limefika bila toba ya MUNGU ilikuwa haiwezekani tena! Ndiyo maana MUNGU akaniambia “Kaa mbele za MUNGU kwa siku sita”. Tangu nimeingia Siloam nilikuwa sijawahi kupewa amri ya namna hiyo. Kwamba “Kaa mbele zangu”! “That was the first time (Hiyo ilikuwa ni mara ya kwanza)”! Nilijua kuna jambo kubwa linataka kutokea. 

Kwa hiyo basi, leo ukitoka hapa umeshaunganishwa na Toba ya MUNGU. Hivyo siyo wewe tena, una moyo, roho na nafsi mpya, una viungo vipya: 

Nywele mpya; 

Uso mpya; 

Macho mapya; 

Pua mpya; 

Kinywa kipya;

Meno mapya; 

Fizi mpya, 

Ulimi mpya; 

Shingo mpya; 

Kifua kipya;

Kiuno kipya;

Mishipa mipya;

Cells mpya;

Tumbo jipya; 

Kiuno kipya; 

Ubaba mpya; 

Umama mpya; Damu mpya. 

Kanisa jipya; 

Kila kitu ni kipya!

Imebidi Mungu mwenyewe aingilie kati.

Katika maisha yangu sijawahi kugaragara kwa toba ya siku 6; nimewahi kufunga na kuomba katika ulokole kwa siku arobaini, lakini si toba ya siku sita mfululizo. Nakuhakikishia kuwa ndiyo nimeelewa Mdo.3:19-21, na hasa msit.21 maana yake nini. Inasema hivi, “Tubuni basi mrejee ili dhambi zenu zifutwe ... zije zamani za kufanywa upya vitu vyote ...”. “Kufunuliwa upya vitu vyote”. Na leo nitafanya kitu kipya cha ajabu hapa ambacho MUNGU aliniambia jana. MUNGU alinionesha ramani ya mahali pote ambapo pana vita. Hivyo ni ramani ya dunia inayoonyesha mataifa yote yenye vita, leo nafuta vita sasa hivi kila mahali katika mataifa yote. 

Kama uliniona asubuhi, niliingia na mafuta toka ofisini kwangu, utakaponiona napaka mafuta hii ramani yote, ndipo vita vyote kila mahali vitakuwa vimefutwa na vitakoma milele na milele. Kwa sababu leo kila kitu kinafunuliwa kwa upya! Kwa sababu toba ya MUNGU aliyetuma wote vizazi vyote, Aliyemtuma Musa, Eliya Mtishbi, Yesu na Eliya AD2, imesimama! Na inafunua kila kitu kwa upya! Ukinyoosha kidole tena kwa mwingine, shauri yako. Ina maana hujipendi. Je kuna yeyote aliye juu ya toba ya MUNGU? MUNGU anaweza akatubu na wewe utubu tena?. Hakuna aliyeko juu ya Toba ya MUNGU. Aliyeumba mbingu na nchi akitubu wewe huwezi kutubu tena. 

Mahali tulipokuwa tumefikia, ina maana kwamba hata kizazi cha MUNGU kingeondoka. Kwa sababu Kizazi cha Kwanza alivuka Yoshua na Kalebu, Kizazi cha Pili Elisha peke yake, Kizazi cha Tatu alivuka Petro, Paulo, Timotheo, na Tito. Kizazi cha Nne nilivuka peke yangu mimi Miaka1000. MUNGU alipoleta Kizazi cha MUNGU alituvusha sisi wote. Lakini kwa sababu ya chuki ya mataifa wakataka tuishie hapo. Ilibidi MUNGU aingilie kati yeye mwenyewe! 

ONYO!! ONYO!! ONYO!!

Leo naonya, “Nisisikie tena yeyote amemzungumzia tena Mama Siku7; Nisisikie yeyote amezungumzia tena watoto wake; MUNGU ameingilia kati yeye mwenyewe! Nikisikia yeyote amezungumza Kuhani yeyote      wa Njia, msiniulize! Maana, MUNGU ameingilia kati yeye mwenyewe!” Makuhani wote leo nawaruhusu kurudi kwenye vituo vyenu! Makuhani wote, kila mmoja arudie mahali pake! MUNGU ameingilia kati yeye mwenyewe! Siyo Miaka1000 wala Wakili wa MUNGU, bali ni MUNGU mwenyewe!

MNANISIKIA! MUMENISIKIA LEO! Yule MUNGU aliyeko 1Kor.15:28 ambaye ndiye kichwa cha Kanisa, ambaye ameteua taifa hili liwe urithi wake, ameingilia kati yeye mwenyewe! Nisisikie neno lolote tena! Atakayemsema tena Miaka1000 akifa asije kunililia! Mnajua mimi siruhusiwi kuzika? Kuna wengine mnaumia msiponiona kwenye msiba, siruhusiwi kuja. Mkiona sijaja kwa yule ambaye amejifanya mdomdomo, msiseme simpendi. Kama yupo ambaye anasema mimi niko juu ya toba ya MUNGU, aje asimame hapa tumuone! Tumpe kwa heri sasa hivi hapa! 

Kuna aliyenisikia leo! Kuna aliyenisikia leo? Kuhani yeyote atakayemnyanyasa mkamilifu yeyote, asije akanipigia simu wala kunitafuta! Umefika ule wakati    ambapo Nuhu     alisema,      “siyo     mimi niliyefunga Safina, ni MUNGU mwenyewe!” Na mimi ninaimba hivyo. Hivyo leo sitakupaka mafuta kwa sababu hakuna mafuta zaidi ya toba ya MUNGU.

Ili mjue kwamba siyo mimi, nimemwambia na NJIAZABWANA 1, tutatulia

kwanza nyumbani, mhudumiwe na wengine. Mtahudumiwa kwanza na wengine ili mjue kwamba aliyeko hapa sasa siyo Miaka1000, siyo Wakili wa MUNGU, bali ni MUNGU mwenyewe. Halafu mtashiba kuliko siku zote. Ili muamini kwamba aliyeko sasa hivi ni MUNGU aliyemtuma Musa, akamtuma Eliya mtishbi,

NJIA ZA BWANA ADAMU WA 2 MUNGU WA MAJESHI
MTENDAJI WA WAKILI WA MUNGU

 akamtuma YESU, na akamtuma

Eliya AD2, sasa amekuja yeye mwenyewe kuchunga Kanisa lake; na kuangalia bustani yake urithi wake. Mimi sitakwenda popote, hata ukija mlima wa moto usiponikuta ujue nipo ndani tu.

Ndiyo maana leo mama Miaka1000 akaniuliza mbona leo sijasikia toba? Nikamwambia twende Kanisani utasikia. Maana kuna jambo jipya MUNGU ametenda. Huwezi kutubu wakati MUNGU amefanya kila kitu kipya!

Wiki iliyopita nilimwambia MUNGU, hivi Kanisa linaweza likafia mikononi mwangu? Hivi atakayesikia niliacha kazi nzuri namna ile, nikasoma vyuo vya namna hiyo, kwamba nilikuja mimi hapa ili kuua Kanisa!? Kila mmoja atashangaa! Nikasema MUNGU kwa kweli hebu fanya unalolijua; ile akiba yako uliyoiweka kibindoni, tafadhali ilete! MUNGU amemaliza kila kitu! Hakuna anayedaiwa, nenda kifua mbele! Sasa wale wanaosema Siloamu tumechanganyikiwa, sasa watasema zaidi. Maana hakuna aliyewahi kusikia toba ya MUNGU! 

Nikamuuliza MUNGU, hivi kwa nini umenipitisha kwenye moto wa namna hii? Akaniambia mwanangu sikiliza, wewe una huruma sana. Nisingekupitisha kwenye moto wa namna hiyo, ile huruma yako isingetoka. Akasema, wewe unataka kuwa na huruma kuliko hata mimi!

Mimi katika maisha yangu sijawahi kufurahi kama leo. Unajua, ilifika mahali ninawaangalia watoto wangu (nikisema hivi msifikiri wale wa watatu wa viungo vya ufunuo, ninyi wote ni wanangu), nilifika mahali nasema jamani, ina maana fulani ndiyo hatutasalimiana tena? Unamuita mara kumi lakini haitiki. Nikasema, eeh, MUNGU, ile akiba yako ilete. Mimi nilikuwa sijawahi kuwa na dua, sasa ndiyo nimejua maana ya dua. Furaha niliyo nayo nikuambukize na wewe. Namshukuru MUNGU kwamba MUNGU akishatubu hakuna tena wa kutubu tena. Kila mmoja yuko huru kama ambavyo mimi niko huru.

MUNGU amenipa kazi kadhaa nifanye pamoja na Kanisa kabla ya kumaliza ibada hii. Mambo niliyopewa ni haya:

1. Kusimamisha toba ya MUNGU mwenyewe kila mahali ambapo aliwahi kutendewa mabaya. Badala ya kuangalia yale mabaya, aangalie toba yake yeye mwenyewe ambayo imebadilisha kila kitu kimekuwa kipya.

2. Uumbaji uliosainishwa kwa hila Miaka1000 kufukuzwa, kutoka kwenye urithi wa MUNGU tuukomboe kwa kusimamisha toba, tuupeleke mahali pa wazo la kwanza la MUNGU kabla ya wazo la kumuumba kerubi.

3. Leo kila kitu tunakigeuza kuwa toba ya MUNGU Aliyetuma wote vizazi vyote ili kifunuliwe kwa upya, Mungu asisikitike tena!

  

4. Tunasimamisha utawala wa Amani kwenye mataifa yote yenye vita. Kwa kutumia ramani ya Ulimwengu yenye mataifa yenye vita.

Mataifa yaliyo na vita:

a. Afighanistani

b. Iraq

c. Nigeria vs Boko Haram

d. Cameroon vs Boko Haram

       Miaka 1000.
Wakili wa Mungu Kizazi cha Mungu.

e. Niger vs Boko Haram

f. Chadi vs Boko Haram

g. Syria

h.  Uturuki

i. Somalia vs El shabab

j. Kenya vs El shabab

k. Pakistani

l.  Mexico

m. Libya

n. Saudi Arabia

o.  Misri

p.  Sudani ya kusini

q. Ukraine

r. Eritrea vs Ethiopia

s. India Kashmiri

t.Sri Lanka

u. Pakstani

v DRC na ukanda wa Maziwa makuu 

w.  Mataifa yote ambayo Dan.2:44 

MUNGU Aliyetuma wote amefuta vita, amesimamisha utawala wa amani.