THAMANI NA FAIDA YA KUSIHI KWENYE KITUO CHA
LAIYETUMA WOTE VIZAZI VYOTE

 LANGO LA 12 ETHANIMU 5 ( 1 May 2016)

MIAKA1000 ELIYA
WAKILI WA MUNGU KIZAZI CHA NNE

SHUKRANI ♯1

Ninamshukuru MUNGU kwa ajili ya toba ya kugaragara ambayo nimeikuta inaendelea mahali hapa. Sote tunajua kilichotokea katika Esta 4:3 kwa Wana wa Israeli Kizazi kile cha Pili walipotubu kwa kugaragara, kwamba mauti ilifutika. Kwa hiyo hata sisi leo, chochote kilichokuwa kimepangwa kinyume na Kanisa, kwa Toba hii kimefutika kwa Damu ya Haki, Kweli na Hukumu! 

Kwa hiyo nataka wote tumuinue MUNGU kwa kumshukuru tukijua kwamba mahali popote ulipokuja na wasiwasi, mashaka, na hofu, kwa toba hii tuliyoanza nayo mauti hiyo imefutika moja kwa moja! Kwa hiyo mshukuru MUNGU kwamba mauti iliyokuwa imeagizwa katika ibada hii haipo; Hata kama umekuja unaumwa au unajisikia vibaya ina maana kwa toba hii maumivu hayo yamefutika!

SHUKRANI ♯2

MUNGU katika Lk.10:19 ametupa mamlaka ya kukanyaga nge na nyoka kwa maana ya hila na maumivu. 

Sasa kupitia toba hii nakuunganisha na:

+ Mamlaka ya kuishi;

+ Mamlaka ya uzima;

+ Mamlaka ya uhai;

+ Mamlaka ya ulinzi wa MUNGU;

+ Mamalaka ya Ibada ya leo;

+ Mamalaka ya uponyaji;

+ Hata kama umekuja na maumivu basi ile mamlaka ya uponyaji tunaiyosoma katika Lk.10:19 iingie kwako;

+ Hata kama jana ulipata hasara, basi sasa mamlaka ya kupata faida iingie kwako sasa hivi;

+ Hata kama umekuja na huzuni, mamlaka ya furaha iingie kwako kupitia hiyo toba; N.k.

SHUKRANI ♯3

Siku ya tano iliyopita, tulijikabidhi na tulimkabidhi aliyetuma wote vizazi vyote kila kitu kama neno linavyosema katika Mt.21:4043. Hivyo Tumshukuru MUNGU kwa kuwa sasa Kanisa linaishi mahali pa Mt.21:40-43,  ikimaanisha kwamba:

+ Magonjwa hayatakiwi yawepo tena;

+ Umaskini hautakiwi uwepo tena;

+ Ufukara na mizimu hautakiwi uwepo tena;

+ Giza, ukiwa na utupu havitakiwi kuonekana hata kidogo tena; n.k.

Haya yote hayatakiwi kuwepo kwa sababu tumejikabidhi kwake yeye  Aliyeumba wote, akawatuma kuanzia Kizazi cha Kwanza mpaka Kizazi cha Nne. Ina maana sasa hivi kila kitu kimo mikononi mwake! Kwa hiyo yale yote yaliyokuwa yanakuliza, yanakusikitisha, anayaona na anauwezo wa kuyafuta mara moja: + Hila yoyote uliyowahi kufanyiwa haiwezi kuwepo tena, maana uliyejikabidhi kwake yuko juu ya hila;

+ Dhuluma yoyote uliyowahi kupata haiwezi kuwepo tena, maana huyo uliyejikabidhi kwake yupo juu ya dhuluma ya aina yoyote;

+ Kila aina ya mti wa ujuzi wa mema na mabaya uliokuwa unakuzonga umekauka moja kwa moja, maana aliyetuma wote vizazi vyote unatembea naye kila mahali. Kwa  maana umehamia mahali pake yeye, na Ibada hii inafanyikia mahali pake yeye aliyetuma wote. Ina maana mifupa yako, damu yako, na kila kitu ulicho nacho, pamoja na akili yako, hisia yako, hiari yako, matamanio ya moyo wako, vyote vipo mahali pa aliyetuma wote! 

Kwa hiyo kama kulikuwa na bacteria au virusi huko ndani lazima waungue kwa Damu ya Haki, Kweli na Hukumu! Ole, mnyama, kahaba mkuu, na behewa la nje haviwezi kuwepo tena.

Nataka kila mmoja amwambie MUNGU, ninakushukuru kwa sababu: nimekutana na matatizo, huzuni, na shida za hapa na pale, lakini haitatokea tena kwa sababu sasa kila kitu sasa kimekabidhiwa kwako: 

+ Mimi mwenyewe nimekabidhiwa kwako;

+ Familia yangu, biashara yangu, kazi yangu, na agano langu vyote vimekabidhiwa kwako wewe uliyetuma wote vizazi vyote. Kwa hiyo yale yaliyowatokea vizazi vilivyopita, wewe hayatakutokea tena. Kwa mfano haya yafuatayo hayatatokea tena:

= Yn.18 (Kukamatwa kwa YESU) imefutwa;

= Mdo.4 (Kukamatwa kwa Petro) imefutwa;

= Mdo.16 (Kukamatwa kwa Paulo) imefutwa;

= Mt.4 (YESU kupelekwa na Roho Mtakatifu kwa shetani ili ajaribiwe) imefutwa;

= Mwa.4:1-10 (Kuuawa kwa Habili mwenye haki) imefutwa; = Mt.21:33-39 (Waliotumwa wote kuishia njiani) imefutwa.

Kwa jambo hilo mwambie MUNGU nakushukuru kwa sababu nimekuelewa. 

SHUKRANI ♯3

Nilikuwa najiuliza Isa.65:16, inayosema kuna kipindi kitakuja:

+ Anayeapa, aape kwa MUNGU wa kweli peke yake;

+ Anayefanya biashara ili abarikiwe, abarikiwe kwa MUNGU wa kweli peke yake;

Sasa imefika, baada ya kila kitu kuwa kimekabidhiwa kwa MUNGU Aliyetuma wote! Wewe mwenyewe ni mali yake, wabaya na wema wote sasa wapo kwake. Ina maana sasa hivi yeyote asiyeapa kwa MUNGU wa kweli, hawezi kufanikiwa! Baada ya ibada ya siku ile ya tano:

+ Yeyote anayekuendea kwa mganga hawezi kufanikiwa;  + Kila mafanikio lazima yawe kwa MUNGU wa kweli. 

+ Yeyote anayekutishia, kama siyo kwa MUNGU wa kweli hawezi kufanikiwa. 

Hivyo Isa.65:16 imetimia ni wakati wa kutafuta jibu kwa MUNGU wa kweli peke yake, ni wakati wa:

= MUNGU kukimbiliwa;

= MUNGU kufuatwa;

= MUNGU kuabudiwa;

= Kila mahali mwenye haki atakapokuwa MUNGU lazima aonekane hapo.

Ni wakati wa kila anayefanikiwa, afanikiwe kwa MUNGU wa kweli: 

+ Hakuna uganga tena;

+ Hakuna ushirikina tena;

Kwa sababu

+ Hakuna magonjwa tena; amesimama MUNGU + Wasiwasi, mashaka na hofu  wa kweli wala vita hakuna tena.

Mwambie MUNGU nakushukuru kwa kuwa:

+ Nilikuwa na shida nyumbani kwangu, kumbe kwa kuwa mimi nina MUNGU wa kweli, na ibada hii inaongozwa na wewe MUNGU wa kweli, najua hiyo shida nikirudi utakuwa umeishughulikia;

+ Nilikuwa na tatizo kazini kwangu, lakini kwa kuwa yule aliyeniletea shida alikwenda kwa mganga, na anayekwenda kwa mganga siyo MUNGU wa kweli, ina maana mimi nimeshamshinda tayari.

SHUKRANI ♯4

Isa.42:18 – Upofu wa Rohoni 

Katika kifungu hicho neno la MUNGU lilikuwa linasema, wale ambao wamekuja kwa MUNGU wa kweli ndio hao wanaendelea kuwa vipofu wasimuone. Lakini sasa hivi huo upofu wa rohoni umeondoka; hata ule uziwi wa rohoni nao umeondoka.  Kwa kuwa kila neno linalotamkwa hapa madhabahuni lazima litimie, ni lazima utafunguka macho tu!

Zek.3:3-7 – Mavazi machafu

Hapa inaonyesha kwamba hata kama ni mwenye haki kuna namna ambayo ulikuwa unaweza kuvikwa mavazi machafu yakakupata. Nataka tumshukuru MUNGU kwamba kwa kuwa yupo yeye mwenyewe, mavazi machafu uliyokuwa ukivikwa, hayawezi kukupata tena! Ile mishale uliyokuwa unatupiwa haiwezi kupenya kwa yule uliyemtanguliza mbele yako. 

Rum.6:16 - Utumwa wa rohoni

Neno la MUNGU linasema hapa kwamba kuna vitu unavipenda kuliko kawaida, na ulikuwa umegeuka kuwa mtumwa wa vitu hivyo. Au kuna kitu unakipenda mpaka ukageuka kuwa mtumwa wa jambo hilo. Kuna mahali unapenda kwenda, lakini hutaki kupaacha hata kama umeshahama kituo, mpaka ukageuka kuwa mtumwa. Sasa mshukuru MUNGU aliyetuma wote vizazi vyote kwamba amekutoa katika utumwa huo. Wewe mwenyewe unajijua ni kitu gani ulikuwa unakipenda kuliko hata MUNGU; lakini MUNGU asa amekutoa mahali hapo.

Hos.4:6 – Kukosa maarifa 

Neno la MUNGU linasema kuwa tulikuwa tunapotea kwa sababu ya kukosa maarifa. Lakini sasa chanzo cha maarifa ambacho ni “kumcha MUNGU” kitaonekana. Ikimaanisha kwamba, hatutapotea tena wala hatutaangamia tena, maana chanzo cha maarifa sasa tunatembea nacho!

Mdo.3:1- Uwete wa Rohoni

Katika Mdo.3:1- kulikuwa na uwete wa rohoni, yaani ile tabia ya kutochukua hatua, sasa MUNGU ameuondoa. Mshukuru MUNGU kwamba mambo hayo yote ameyaondoa.

SHUKRANI ♯5

Mwa.8:4 – Kanisa kuwa juu tu

Tumshukuru MUNGU kwa Kanisa kutoka chini kwenda juu. Katika Mwa.8:4 neno la MUNGU linasema katika mwezi wa Ethanimu ndipo safina ilipotua juu ya milima mirefu. Huu ni mwezi wa Ethanimu, na safina maana yake ni Kanisa. Lazima sasa Safina itue sawasawa.

Neno la MUNGU katika Kum.28:13, kwamba mimi na wewe ambao ndio Kanisa tutakuwa juu tu, hatutakuwa chini; kwamba tutakuwa kichwa tu, hatutakuwa mkia! Tumshukuru MUNGU kwamba katika mwezi huu wa Ethanimu mwaka wa Tano (5), jambo hilo limetokea.  Hata kama jambo hilo lilitakiwa kutokea lango la 17,  hata kama lango la 17 litafika wiki ijayo, lakini nataka uamini kuwa MUNGU tayari ameshatenda. Mshukuru MUNGU kwa nguvu zako zote kwamba haya yote lazima uyaone. Kumbuka wakati wa Kizazi cha Tatu Kanisa lilipotajwa kwa mara ya kwanza na YESU (Mt.16:18), dunia waliiba! Kanisa linavyokuwa juu ina maana ni:

+ Wewe uko juu;

+ Agano lako liko juu;

+ Familia yako iko juu;

+ Biashara yako iko juu;

+ Afya yako iko juu;

+ Na kila unachotenda kiko juu.

SHUKRANI ♯6

Neema ya Wakili wa MUNGU

+ Tumshukuru MUNGU kwa Neema ya Wakili ya MUNGU iliyotubeba kwa miezi sita (6) sasa ya mtikisiko wa Kanisa. 

+ Jana MUNGU alinionyesha kitu cha ajabu, alinionyesha ile Neema ya Wakili wa MUNGU. Rohoni nilikuwa nimewabeba mgongoni, wengine tumboni na wengine mabegani kwa jinsi mlivyo wengi. Lakini nikamuuliza, mbona MUNGU tulipoingia Siku 1, Wiki 1, Mwezi 1, na Mwaka 1, Eliya alifuta neema hiyo, wote tukawa tunaishi kwa ufahamu, imerudije? 

+ Akasema katika kipindi hiki cha miezi sita ilikuwa ni lazima arudishe neema hiyo, maana wengine mlikuwa hamuwezi kuvuka wenyewe. Baada ya Kanisa kufikiwa kwenye kituo cha 1Kor.2:610 ilibidi MUNGU arudishe Kanisa kuishi kwa Neema ya Kiongozi wao ili kulivusha Kanisa kwa kipindi ambacho Kanisa limepata mtihani mgumu kuliko kipindi chochote.

+ Lakini sasa mambo yamefunguka, na kwa kuwa tumehamia Mt.21:41-43, mahali ambapo Aliyetuma wote anaishi, miezi sita (6) imekwisha, na kwa kuwa pia Kanisa limefunuliwa na kuwekwa wazi ndani ya Uumbaji wa Rohoni na Uliofunuliwa, basi nawarudisha kuishi kwa ufahamu wa Neno. Kabla sijawarudisha, tumshukuru MUNGU kwanza kwa ajili ya neema hiyo. Leo tumehamishia Neema hii ya wakili wa MUNGU Mt.21:40-43 ili Wakamilifu na Makuhani wote waishi hapo kwa raha.

TOBA YA KWELI KWA AJILI YA MAMBO YALIYOKUWA YANALETA LAANA JUU YA KANISA

Kumbuka ibada ya Siloamu haikamiliki bila toba. Namshukuru MUNGU kwamba leo tumeanza na toba na tunaendelea na toba; maana toba haiishi, ni endelevu. Leo tunatubu kwa ajili ya mambo yaliyokuwa yanaleta laana kwa Kanisa:

(1)       Kumkataa Mpakwa Mafuta;

(2)       Kunyanyasa wadogo ndani ya kundi;

(3)       Kufanya dhambi kuliko vizazi vilivyopita;

(4)       Kutomjua MUNGU (yaani kutoijua tabia ya MUNGU);

(5)       Wenye Haki kuona MUNGU hayupo na kuendelea kukiri hivyo;

(6)       Kuchoma moto Sanduku la Agano bila aibu; na

(7)       Matusi ya Wakamilifu na Makuhani.

UKOMBOZI WA MASOMO YOTE YA MSINGI NA JENGO NA

KUYAHAMISHIA MT.21:40-43

Kuhamishia kila kitu anapoishi MUNGU Mt.21:40-43

Kwa sababu sisi wote na MUNGU aliyetuma wote tunaishi Mt.21:40-43, nataka tuhamishe masomo yote tuliyojifunza tangu 2003 mpaka leo, tuyahamishie hapo tunapoishi. Hata kama yaliibiwa yataletwa sasa hivi na malaika wa marejesho;  Hata kama yalichomwa moto yatahuishwa sasa hivi kwa Damu ya Haki, Kweli na Hukumu!

Leo tunakomboa:

= Agizo, Maono na Ufunuo;

= Kuvunja Misingi Mibaya yote;

= Madhabahu ya Kanisa;

= Majira na Nyakati za Kanisa;

= Mbingu Mpya na Nchi Mpya;

= Maachilio ya Kanisa;

= Kutotembea Njia Moja na Waovu tena;

= Siku 1, Wiki 1, Mwezi 1, na Mwaka 1;

= Neema;

= Toba ya Kweli;

= Maono ya MUNGU;

= Upendo wa MUNGU;

= Chanzo, Msingi, Limbuko na Kitovu cha MUNGU;

= Thawabu ya MUNGU;

= Wivu wa BWANA;

Masomo Baada ya Unyakuo:

= Kanisa Kupatanishwa na Nafsi ya Tatu ya MUNGU;

= Utawala wa Kristo;

= Ufufuo wa Kwanza;

= Kuunganisha Msingi na Jengo;

= Umilele;

= Mbegu ya Rohoni;

= Toba ya Vizazi Vyote;

= Sauti Moja ya MUNGU wa Majeshi;

= Kusudi la MUNGU la tangu Mwanzo;

= Uumbaji Mpya;

= Mji Mtakatifu;

= Visima vya Mambo Mazuri Peke yake;

= Kuungana na Kiuno cha MUNGU wa Majeshi;

= Asili ya MUNGU;

= MUNGU, Kristo na Wakili wa MUNGU kulifunua Kanisa kwa

Neno bila Mawaa; na,

= Kumkabidhi MUNGU Aliyetuma Wote Vizazi Vyote kila kitu ndani ya Uumbaji. 

UKOMBOZI WA MIKOA YOTE YA GOSHENI

+ Dar es salaam è Jiji la siloam;

+ Pwani è Agano la Urithi wa Isaka Kizazi cha MUNGU;

+ Tanga è Agano la Kweli;

+ Kilimanjaro è Ararati;

+ Arusha è Elimu MUNGU wa Majeshi;

+ Manyara è Filadelfia;

+ Mara è Mito ya Toba;

+ Mwanza è Karmeli;

+ Simiyu è Hermoni;

+ Singida è Wivu wa BWANA;

+ Shinyanga è Haki, Amani na Furaha;

+ Geita è Kazi za Dhahabu;

+ Kagera è Matenegenezo;

+ Kigoma è Jiji la Eliya;

+ Tabora è Rhema;

+ Dodoma è Ufahamu wa Neno la Ufunuo;

+ Morogoro è Mlima wa Neema Kubwa;

+ Iringa è Ufunuo wa Kristo;

+ Mbeya è Gibeoni;

+ Sumbawanga è Havila;

+ Katavi è Njia ya Watakatifu;

+ Njombe è Mamlaka ya MUNGU wa Majeshi;

+ Ruvuma è Shilo-na-Zaidi;

+ Mtwara è Hebroni;

+ Lindi è Isa.2:2

+ Zanzibar è Kanaani;

+ Pemba è Siku ya Kristo; na 

+ Tanzania è Gosheni

 

UJUMBE WA LEO: THAMANI NA FAIDA YA KUISHI KWENYE KITUO CHA MUNGU ALIYETUMA WOTE VIZAZI VYOTE.

1.      Maswali yote kujibiwa

Maswali yote ambayo uliwahi kujiuliza kuhusu MUNGU unayemfuata, sasa yanajibiwa.

Zab.121:1-2

+ Katika Zaburi hii neno linasema, “nitayainua macho yangu niitazame milima; msaada wangu utatoka wapi? 

Msaada wangu utatoka kwa BWANA; aliyeziumba Mbingu na Nchi”. Kulikuwa na maswali mengi sana, ndani ya mioyo ya wakamilifu na makuhani, maswali ya siku nyingi ambayo yalikuwa hayajawahi kujibiwa. Nitakuonyesha baadhi ya mistari ambayo wengi wakisoma walikuwa wanaona ni maswali maana walikuwa hawaoni kama inatekelezeka.

 

+ Lakini kwa kuwa huyu MUNGU Aliyetuma wote tuko naye, tumejikabidhi kwake, maagano yetu tumeyakabidhi kwake, familia zetu tumezikabidhi kwake, na biashara zetu tumezikabidhi kwake, maswali yako yote sasa lazima yajibiwe. Kipindi hiki siyo tena kutazama juu milimani, bali uko naye huyo anayekujibu wewe!

Isa.62:1-3 - Lini hasa sisi Wenye Haki tutaonekana ni Taji la MUNGU?

+ Neno hapa linasema kwamba MUNGU kiti chake hakikaliki mpaka ahakikishe haki yako imekuwa kama mwangaza. Msitari wa tatu anasema wewe ni taji mkononi mwake. Lakini wengi walikuwa wanajiona kama majivu? Wengi walikuwa wanajiona kama hawafai. Lakini nataka nikuhakikishie kuwa kuanzia sasa hivi, huyo MUNGU unayefuatana naye, aliyetuma wote vizazi vyote, hatakubali uonewe tena maisha yako yote! Kwa hiyo, kama ulikuwa na maswali kuwa huyu MUNGU ninayemuabudu yuko wapi; ninayeamka alfajiri kwenda kumuabudu, kwamba mbona simuoni? Usiulize swali hilo tena. Utayaona majibu yake sasa hivi kwa Damu ya Haki, Kweli na Hukumu!!

Isa.41:11-13 - Hivi ni kweli wale maadui watatu (maradhi, ujinga na Umaskini) utafika wakati tusiwaone tena?

+ Hapa utakuta inaonyesha kwamba kila aina ya adui hutamuona tena. 

+ Kumekuwa na maadui watatu ambao wamekuwa wakitamkwa katika taifa hili kwa muda mrefu, k.m. maradhi, ujinga na umaskini. 

+ Leo umesikia taifa lote na mikoa yote tumeihamishia mahali MUNGU alipo, utaona haya yakifutika sasa hivi kwa Damu ya Haki, Kweli na Hukumu. 

Maana yule aliyetuma wote vizazi vyote hatumi tena, usimwangalie aliyetumwa, sasa hivi hayupo bali yupo yeye mwenyewe! Wala usimtazame (usimtafute) milimani, bali upo naye hapo “ndani ya moyo wako”! Kuna chumba chake ndani ya moyo wako! Yule aliyesema, “Mimi naishi mahali pa juu palipoinuka, na ndani ya moyo uliotubu na kunyenyekea”, sasa yupo nyumbani kwako! 

+ Kituo tulichopo ni kituo cha ajabu kabisa. Kizazi cha Kwanza hawakufika hapo! Kizazi cha Pili hawakufika hapo! Kizazi cha tatu hawakufika hapo! Sisi tumepata neema ya kufika hapo! Kuanzia leo uamini kuwa ndivyo ilivyo.

+ Umepatwa na ugonjwa siku nyingi, na neno linasema kwamba utakunywa sumu na vitu vya kufisha hutakufa, lakini wewe unaona kama unakaribia kufa! Leo nina habari njema kwako! Kama hukufa wiki iliyopita, hutakufa tena! Maana sasa hivi umeshakabidhiwa kwa chanzo cha uhai! Usifikiri ni maigizo, wengi wanasema hawa wa madhabahuni wamezoea kusema maneno matamu matamu, Sivyo, hii ni halisia!

Kut.19:4-5 – Lini hasa Wenye Haki tutakuwa Tunu kuliko Makabila yote duniani?

+ Katika Kut.19:5, neno la MUNGU linasema kwamba tumeahidiwa muda mrefu sisi kuwa TUNU kuliko makabila yote.

Lakini wengi wamekuwa wakijiona sivyo:

 

+ Akiangalia ngozi yake anaona kama amekwisha kabisa; 

+ Akiangalia biashara yake anaona karibu anakufa na njaa; 

+ Akiangalia kazi yake anaona kama karibu anafukuzwa; 

Leo nataka nikuhakikishie kuwa kwa kituo hiki wewe sasa ni TUNU! Mimi nataka niwaapie, mtaanza kuona mataifa mliyokuwa mnayaogopa yanakuja hapa kufanya biashara na ninyi. Tumelisema hilo siku nyngi, lakini MUNGU alisubiri tufike hapa tulipofika. 

+ Juzi nilipata neema ya kuangalia matokeo ya toba, niliona waziri wa viwanda wa Urusi alikuja na ujumbe hapa akitafuta mahali pa kuwekeza, nikajua kumekucha hapa! Sijawahi kusikia lile taifa la Urusi linakuja hapa kuwekeza. Kwa hiyo kwenye lile shamba lako la Bagamoyo ujiandae wanakuja.

Isa.60 - Mataifa ya Kaskazini yataanza lini kuja kulitafuta Kanisa?

+ Wengi tumetafuta kuona Isa.60 itatokea lini; yaani kaskazini kuja kulitafuta Kanisa; kuja kutafuta biashara huku! 

Lakini sasa huyu aliyeyatamka hayo, huyu aliyeandika haya, sasa hivi yupo. 

+ Sasa ninyi kosa mnalofanya mara nyingi, ni kumtafuta kwa macho haya. Mkimkosa mnaanza, yuko wapi sasa, amevaa suti gani?. Siyo hivyo! Wewe amini tu yupo hapa madhabahuni! 

Na siyo tu hapa, yuko ndani ya moyo wako. Na siyo tu ndani ya moyo wako, bali yuko kwenye kila kitu kinachoitwa kwa jina lako. 

+ Sasa hivi mahali popote ulipo, unatakiwa useme “wewe MUNGU uliyetuma wote vizazi vyote, wewe uliyemtuma MUSA, ukamtuma Yoshua, ukamtuma Eliya Mtishbi, ukamtuma Elisha, ukamtuma YESU, ukamtuma Paulo, ukamtuma Petro, ukamtuma Tito, ukamtuma Timoteo, ukamtuma Eliya Kizazi cha Nne, nimeambiwa uko hapa, nataka nikuone sasa hivi!” “Nimeambiwa sasa hivi hujatuma tena mwingine, bali uko wewe mwenyewe!! Nataka nikuone kazini kwangu, nikuone kwenye biashara yangu!”

+ MUNGU awape neema ya kuona haya na kuyatendea kazi. Huu si wakati tena wa ku-“struggle” (kuhangaika) na kubahatisha! Tunaishi na yeye aliyetuma wote vizazi vyote. Hiki ndicho kipindi cha kuwaona wafanyabiashara wa kutisha kutoka ndani ya Kanisa.

Isa.65:16 

+ Wakati naanza ibada hii nilianza na Isa.65:16 kwamba ndiyo majira yake, kwamba kila anayeapa sasa hivi aape kwa MUNGU wa kweli, kila anayefanikiwa lazima afanikiwe kwa MUNGU wa kweli, ndiyo kipindi hiki, siyo kesho! Imekwishafika! Siyo kipindi tena cha kuishi kwa wasiwasi, kwa mashaka na hofu! Siyo kipindi cha kusema nakufa kesho, nakufa keshokutwa. Hapana! 

Mpango wa kufa haupo tena. Tuna mpango wa kuishi na kufanya mambo makubwa sasa hivi. Tuna mpango wa kupanda miti ya aina ya mipingo, inayokomaa baada ya miaka 90+.

Hag.2:7-9 – Hiyo Nyumba ya BWANA yenye utukufu kuliko vizazi vilivyopita ni lini itajengeka?

+ Kwa kweli kulikuwa na maswali mengi pamoja na Hag.2:8 inayosema kwamba dhahabu zote na fedha ni mali yake. Sasa wengi walikuwa wanasema, mbona naishiwa, mbona nakosa hata vazi la kuvaa, mbona nakosa mtaji, na wewe MUNGU nimekufuata unasema dhahabu na fedha ni zako? Kwa kweli sasa hivi ni zake, na yupo! Ila bado anataka wewe uwe na Bureaux de Change (duka la kubadilishana fedha) ya kwako. Nataka mtambue maswali yote, wako wengi mna maswali kuhusu watoto, sasa mtafyatua watoto!

2.      Ufuasi wa kweli

+ Najua ninyi ni wafuasi lakini kuna kipindi mlikuwa mnaiingiwa na wasiwasi. Kuna kipindi mlikuwa mnasema, mh, hivi tutafika kweli! Sasa kwa kuwa maswali yote yanajibiwa, ni lazima muwe wafuasi wa kweli.

+ Katika 1Nya.11:1-2, tunaona wazee wa Israeli wakimfuata Daudi wakisema “... sisi ni mfupa wako na nyama zako”.  “Tunasema hivyo kwa sababu, hata kipindi Sauli alipokuwepo, wewe ndiye uliyekuwa unatutoa na kutuingiza”. Kwa sababu hiyo tupo tayari kukufuata.  

+ Sasa niwaulize swali, “hivi kipindi Eliya yuko kwenye viungo vya ufunuo, sikuwa nawaingiza na kuwatoa?” Sasa wasiwasi unatoka wapi? Sasa leo niseme kama Paulo alivyosema katika 1Kor.11:1, alisema hivi “Nifuateni mimi kama ninavyomfuata Kristo mtafika”! 

+ Sasa na mimi leo nasema hivi: “Kama vile ninavyo mfuata huyu Aliyetuma wote Vizazi vyote bila kudondosha hata neno moja, na ninyi nifuateni, mtafika”! Wasiwasi na mashaka leo tuondoe! 

+ Kuhani mmoja wa biashara ameniambia “Miak1000 unaapa mno, mpaka unapitiliza”. Sasa nitafanyaje na ninyi mnaamini sana? Leo sina haja ya kuapa, kwa sababu mumeshaamini. Lakini nataka niseme hivi, “ni lazima tufike”! Kufika, ni lazima, na kufanikiwa ni lazima. 

Hatua za kuchukua

(i)                           Ebr.6:12 – Mwamini aliyesimama mbele yako au

Aliyepakwa Mafuta kuwa ana kitu cha Ziada.

Neno linasema kuwa “msiwe wavivu wa kuwa wafuasi wa wale waliorithi ahadi za MUNGU kwa uvumilivu”! Hivyo usiwe mvivu wa kuwa mfuasi; usiwe na mashaka wala wasiwasi. (ii) Ukubali kuachana na mambo yote ya zamani, Mt.4:18-22, ili uyafuate haya ambayo MUNGU anakuelekeza.

(iii)      Ni vizuri kutangaza hadharani kwamba unamfuata nani (1fal.19:19).

(iv)     Ukubali kuingia agano la kuwa kama mtoto, usiwe mtoto, bali uwe kama mtoto (Mt.18:1-4). Ukiwa mtoto watakuwekea agano la kutokua. Lakini ukiwa kama mtoto maana yake: 

(a)   Unakubali kuonywa Meth.3:12. 

(b)  Unakubali kutenda   kama      Baba       anavyotenda (Mwa.28:16-22). 

(c)   Unakubali kutetea maono (2Fal.2:3,5) kama vile tunavyomuona Elisha Kizazi cha Pili walipomkatisha tamaa, alisema nyamazeni mimi najua.

(v)       Ukubali kurarua mavazi yote ya zamani (2Fal.2:9-12).

3. Utawala wa amani - Zab.99:1-2

+ Neno linasema “BWANA ametamalaki, mataifa wanatetemeka; ameketi juu ya makerubi, nchi inatikisika.”  “BWANA katika Sayuni ni mkuu, naye ametukuka juu ya mataifa yote.” Kwa kuwa BWANA ametamalaki, lazima amani iwepo.

+ Kwenye familia yako lazima amani iwepo;

+ Kwenye agano lako lazima amnai iwepo; + Kwenye kazi yako lazima amani iwepo; n.k.

Maana yeye ndiye BWANA wa amani.

Isa.2:4 imetimia

+ Msitari huu unasema kuwa “Naye atafanya hukumu katika mataifa mengi, atawakemea watu wa kabila nyingi; nao watafua panga zao ziwe majembe, na mikuki yao iwe miundu; taifa halitainua upanga juu ya taifa lingine, wala hawatajifunza viata tena kamwe”! Kwa sababu BWANA sasa ametamalaki ni wakati wa amani. Hii ni thamani na faida ya kuishi mahali ambapo huyu MUNGU Aliyetuma wote vizazi vyote ambaye tumemkabidhi kila kitu ili atamalaki. 

+ Nataka uone pale nyumbani kwako MUNGU ametamalaki; pale kazini kwako au ofisini kwako nataka uone MUNGU ametamalaki.

Akitamalaki lazima amani iwepo na unachokitaka lazima upokee. 

Kama amani inatawala lazima ianzie moyoni mwako: 

+ Usiishi maisha ya kushtuka-shituka tena;

+ Usiishi maisha ya hofu tena; 

+ Usiishi maisha ya wasiwasi tena; 

+ Usiishi maisha ya kuona kuwa unakufa “anytime”.

4. Mwa.8:4 – Kanisa kwenda juu 

+ Neno linasema “Mwezi wa saba, siku ya kumi na saba ya mwezi, Safina ikatua juu ya milima ya Ararati.” Katika 1Fal.8:2, neno linasema “Wakakutana mbele ya mfalme Sulemani watu wote wa Israeli wakati wa sikukukuu, katika mwezi wa Ethanimu, ndiyo mwezi wa saba.” 

Safina maana yake ni Kanisa, kwa hiyo Kanisa limetoka chini limekwenda juu. Kwa hiyo wewe hapo ulipo umetoka chini umekwenda juu kwa uhalisia kabisa. Kwa hiyo, katika mwezi huu lazima ujisikie kwamba yule MUNGU Aliyetuma wote vizazi vyote, unatembea naye kila mahali.

+ Kumb.28:13 mstari huu unasema “... utakuwa juu tu, wala hutakuwa chini”. Huko nyuma “graph” ilikuwa inapanda na kushuka, lakini sasa hivi, kwa kuwa unaishi kwa huyu Aliyetuma wote, hutashuka tena. Katika kila unalofanya utakuwa juu tu. 

+ Kanisa lilikandamizwa miaka mingi, lakini baada ya MUNGU Aliyetuma wote Vizazi vyote kukabidhiwa kila kitu, sasa Ameleki hawatalizuia tena milele.

5. Katika Vizazi vyote wenye haki walipata shida sana, na hasa wale viongozi waliokuwa wanajenga msingi, na waliokuwa wanajenga jengo.

+ Katika Vizazi vyote Kanisa lilifunuliwa Viongozi wakiwa wamekufa (yaani Kanisa lilifunuliwa baada ya viongozi wa vizazi kufa), sasa hivi limefunuliwa na Aliyetuma wote Vizazi vyote, Kiongozi na anaofuatana nao tukiwa hai. Sasa kwa kuwa tumefika kwenye kituo hiki cha huyu MUNGU Aliyetuma wote, ina maana hata anayejenga jengo hafi na wewe hufi! Agano lako halitakufa. + Kizazi cha Kwanza mpaka cha Tatu, yule anayejenga jengo alipokufa na Kizazi kilikuwa kinakufa. Yos.23, alipofikia hatua ya kulala na kizazi cha kwanza kikaishia hapo. Elisha alipofikia hatua ya kulala na Kizazi cha Pili kikaishia hapo. Akina Petro, paulo, Tito na Timoteo walioachiwa Kizazi cha Tatu kujenga jengo, walipolala, Kizazi cha Tatu nacho kikalala.

  

+ Sasa Kizazi hiki cha Nne ni Kizazi cha mwisho, ni Kizazi ambacho lazima kimilikiwe na MUNGU mwenyewe, mimi sifi na wewe hufi. Hii inatokana  na kwamba tumefika kwenye kituo hiki cha MUNGU Aliyetuma wote vizazi vyote. Hivyo mshukuru MUNGU hata vitu vyako vizuri havifi tena; ule wasiwasi, mashaka na hofu uache. Tumefika pazuri kwa Damu ya MUNGU Mwenyewe.